წლეულს “პარი სენ ჟერმენმა” იყიდა ნეიმარი  222  მილიონ ევროდ, „მანჩესტერმა“ –  ლუკაკუ  85 მილიონად, აარონ რემზიმ  კი კარდიფის მდიდრულ უბანში  სახლი და ადგილ-მამული – 3 100 000 გირვანქად ისე, რომ ზამთრის სატრანსფერო ფანჯრის გახსნას არ დაელოდა.

ნეიმარი მსოფლიოს უძვირესი ფეხბურთელია, ხოლო რემზის სახლი უძვირესია უელსში. შეფასებული იყო 4 500 000-ად, მაგრამ „არსენალის“ ნახევარმცველმა დააკლებინა.

მამულში არის გოლფის მოედნები,  შადრევნები, აუზი ხუთვარსკვლავიანი სასტუმროს სტანდარტით, და რაც მთავარია – ვერტმფრენის სადგომი. რემზი კარდიფიდან ლონდონში „არსენალის“ სავარჯიშო ბაზამდე  ფრენა-ფრენით ჩავა.

წილი
წინა სტატიაარსენალში განხეთქილებაა
შემდეგი სტატიაყველაზე სწრაფები მსოფლიოში
ვაჟა ხუციშვილი
ვაჟა ფშაველა... უკაცრავად, ფშაველი ვაჟა, გვარად ხუციშვილი. ერთგული, ნიჭიერი და ესპანეთში ნაცხოვრები კაცია, რომელმაც „რეალის” და „ბარსელონას” ქვეყანა შიგნიდან იცის და მკითხველისთვის მრავალი საინტერესო ამბის მოყოლა შეუძლია. ხანდახან ამბობს, კუში კოშმარიაო და ვერ გაიგებ, „მაზიანების” წინააღმდეგია თუ ვიღაც კაცის სახელსა და გვარს ასახელებს.