შტეფსელი (Stöpsel) გერმანული სიტყვაა და კედელში ჩამაგრებულ იმ მოწყობილობას ნიშნავს, რომლის მეშვეობითაც გადასატან ელექტრო ხელსაწყოს ქსელში რთავენ. იგივეა, რაც როზეტი. ჰოდა, ვინაიდან ფეხბურთში ბოლოხანს შემოტანილი კარის ხაზის ტექნოლოგია გადასატანი ელექტრო ხელსაწყოა, კარგი იქნება ესპანეთის ლა ლიგაში მას შტეფსელში (იმავე როზეტში) თუ შეაერთებენ, თორემ მსოფლიოს ერთ ერთი — ან ერთ-ერთის გარეშე — ყველაზე ძლიერი ლიგა ვერ ხვდება გოლი გავიდა თუ არა.

გუშინ, “ვალენსიასა” და “ბარსელონას” შეხვედრაში თანამსაჯმა ვერ დაინახა, რომ პირველ ტაიმში ლეო მესის მიერ დარტყმულ ბურთს მასპინძელთა მეკარე ნეტო დიდი მოწიწებით დახვდა და ხაზს მიღმა გადაუვარდა. აი, Stöpsel-ში საჭირო მოწყობილობა რომ ყოფილიყო შეერთებული, გოლი სამართლიანად ჩაითვლებოდა, მაგრამ ასე არ მოხდა. შეხვედრა 1:1 დასრულდა.

13 ტურის შემდეგ “ბარსელონას” 35 ქულა აქვს, “ვალენსიას” 31, მადრიდის გუნდებს “ატლეტიკოსა” და “რეალს” კი 27.

აქეთ როგორ იყო, როცა იქით იყოო…
წილი
წინა სტატიაგოლი, ნოდიას გოლი
შემდეგი სტატია34!
ლუკა თალაკვაძე
ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.